विशेषण

नामाबद्दल विशेष माहिती सांगून नामाची व्याप्ती मर्यादित करणाऱ्या शब्दास विशेषण असे म्हणतात.

------------------------------------- 

विशेषणाचे प्रकार 

१ ] गुणविशेषण 

२ ] संख्याविशेषण 

3 ] सार्वनामिक विशेषण 

-------------------------------------

१ ] गुणविशेषण - 

ज्या विशेषणाच्या योगाने नामाचा कोणत्याही प्रकारचा गुण किंवा विशेष दाखवला जातो , त्यास गुणविशेषण असे म्हणतात.

उदा. - मोठी मुले 

           रेखीव चित्र

           शुभ्र ससा

-------------------------------------

२ ]  संख्याविशेषण - 

ज्या विशेषणाच्या योगाने नामाची संख्या दाखवली जाते, त्यास संख्याविशेषण असे म्हणतात.

उदा. - तीन , नववा , पुष्कळ , इत्यादी  

याचे पाच प्रकार आहेत 

अ ] गणनावाचक संख्याविशेषण : 

ज्या विशेषणांचा उपयोग केवल गणना करण्याकडे होतो , त्यास  गणनावाचक संख्याविशेषण असे म्हणतात.

 उदा . दहा मुले 

        साठ रुपये 

------------------------------------

ब ] क्रमवाचक संख्याविशेषण 

जी विशेषणे वस्तूंचा क्रम दाखवतात, त्यांना क्रमवाचक संख्याविशेषण असे म्हणतात.

उदा . - पहिला वर्ग 

           सातवी इयत्ता

------------------------------------

क ] आवृत्तीवाचक संख्याविशेषण : 

जे विशेषण संख्येची किती वेळा आवृत्ती झाली आहे हे दर्शविते त्यास आवृत्तीवाचक संख्याविशेषण असे म्हणतात.

उदा. - दुप्पट पैसे

           दुहेरी आनंद 

------------------------------------

ड ] पृथकत्ववाचक विशेषण : 

जी विशेषणे वेगवेगळा किंवा पृथक असा बोध करून देतात त्यांना पृथकत्ववाचक विशेषण असे म्हणतात. 

उदा. - एकेक मुलगा 

           पाच पाचचा गट 

------------------------------------

इ ] अनिश्चित संख्याविशेषण : 

जी विशेषणे निश्चित अशी संख्या दाखवत नाहीत , त्यांना अनिश्चित संख्याविशेषण असे म्हणतात.

उदा. - सर्व रस्ते 

         काही प्राणी 

-------------------------------------   

 3 ]  सार्वनामिक विशेषण -  

सर्वनामापासून बनलेल्या विशेषणाना सार्वनामिक विशेषण असे म्हणतात. 

उदा. - हा पक्षी 

           तो मनुष्य

------------------------------------

४ ] नामसाधित विशेषण - 

नामापासून बनलेल्या विशेषणाना नामसाधित विशेषण असे म्हणतात. 

उदा. - माझ्या मित्राचे कापड - दुकान आहे 

           श्यामला फळ - भाजी फार आवडते. 

------------------------------------

५ ] धातूसाधित विशेषण : 

धातूपासून कृदंतरूप बनते. जेव्हा  कृदंतरूपाचा विशेषणासारखा उपयोग होतो , तेव्हा त्यास धातूसाधित विशेषण असे म्हणतात. 

उदा. - हसरी मुले 

          वाहती नदी 

          पेटती ज्योत   

------------------------------------

६ ] अव्ययसाधित विशेषण :

अव्ययापासून तयार झालेल्या विशेषणांना  अव्ययसाधित विशेषण असे म्हणतात. 

उदा. - वरचा मजला 

           मागील दरवाजा 

------------------------------------